Aburruza Otegi, Maurizio
Anoetan jaioa 1905/12/28an. Lasarte-Oriako Kale Nagusian bizi zen. Ezkondua. Xaboigintza enpresa batean ziharduen lanean. Izquierda Republicana-ko kidea zen Euzkadiko JSU eta UGTn afiliatua zegoen. Zubietako abiazio-zelaiko batailoian (UHP) miliziano eta 1936/08/25tik, Usurbilgo Gerra komisaldegiko milizianoa.
Gerora, Zornotzako frontean zauritu egin zuten aldakan eta Santoñan operatu zuten. Santandergo frontean desagertu zen. Bere alaba Pilar Aburruza Garroren testigantzaren arabera, familiak uste du kolpistek preso hartu eta gerora beren alde borrokatzera behartu zutela. Hori pentsarazten dio handik urteetara estatu frankistak pentsio bat ematen ziolako gerra-elbarri izateagatik.
Pilar alabak (orduan hilebeetako haurra) eta bere ama Elena Garrok (UGTn afiliatua) Bizkaia aldera jo zuten faxistak Lasartera iristear zeudela. Bilbotik atzerrira ebakuatu zituzten 1937/05/29an. Kantabriako Miera herrian ere izan ziren eta baita Lleidan ere errefuxiatuta. Lasartera itzulita, etxea konfiskatu zietenez, familia Usurbilgo Larbain baserrian bizi izan zen urteetan.
Iturria:
CDMH fitxak: SM C1397 F53 – PS BILBAO 93 E1 F203
‘Lasarte 1936-48- Testigantzak’ liburuan . 37-40 orrialdeak (Pilar Aburruza Garro) + argazkia
‘Urnieta 1936-1945’ 85. 150. 168. orriak – Aranzadi – Iraitz Arizabaleta Gantxegi
