Iradi Lertxundi, Tomas
Usurbilen jaioa 1914/02/28an. Santueneako Urtia baserrian bizi zen. Ezkongabea, nazionalista eta 1936/08/25etik aurrera Usurbilgo Gerra komisaldegiko 1. Eskuadrako milizianoa (J.K. Beloki buru).
Aipagarria da gerra hasi zenean, Muruako markesa, errepublikazaleen beldur, kale Nagusiko Saroe bere jauretxea utzi eta familiarekin Urtiara joan zela. Izan ere, baserria bere jabegokoa zen. Gerora, milizianoek Saroe jauregia beren kuarteltzat hartu zuten kolpistek herrira sartu ziren arte. Haiek ere denboraldi bat egin zuten bertan.
Iturria:
Centro Documental de la Memoria Historica PS BILBAO 64 E2 F117
Centro Documental de la Memoria Historica PS BILBAO 93 E1 F186
Argazkia: familia
