Galarmendi Aizkorreta, Baleriano
*Usurbilen jaiotakoa 1915/10/26an, eta Kalezarko ‘Kaxkoenea’ etxean bizitakoa. Ezkongabea, IR alderdiko eta JSU erakundeko kidea eta txofer lanetan 1936/08/25tik aurrera Usurbilgo milizietan, hain justu, Usurbilgo Gerra komisaldegiko milizianoa. 1936ko urrian eta abenduan, 1937ko urtarrileko 2. hamabostaldia eta otsaileko lehenengoan ‘MAOC-1 Larrañaga’ batailoiko miliziano gisa borrokan agertzen da. Euzko Gudarosteko ‘37134’ txapa zenbakia zuen. Horren ostean, ‘MAOC-2 Gipuzkoa’ batailoiko kide izana.
1937/04/04an Otxandioko frontean txofer lanetan ari zela, ‘Heinkel’ bonba-hegazki alemaniar batek metrailatu eta bertan hil zuten. Autoa erabat kiskalita geratu zen.
Bere anaia Ramon ere egun eta fronte berean hil zen. Aita, Joxe Galarmendi Balerdi, faxistek fusilatu zuten 1936/11/02an Zizurkilen. Arreba Josefa ere milizianoa izan zen.
Iturria:
Archivo General Militar de Guadalajara, UCOS Arapiles 7, 14 E1564
Bizkaiko Artxibo Historiko Probintziala – Registro Central de Fallecidos en Campaña
Centro Documental de la Memoria Historica PS BILBAO 35 F24
Centro Documental de la Memoria Historica PS BILBAO 93 E1 F234
Centro Documental de la Memoria Historica PS SANTANDER M 5 F415
Euzkadi Roja 95.zkia 1937-01-12 4.orr
‘Usurbilgo baserriak eta baserritarrak’, 372 orria (Josu Tellabide)
